Android – shu yaqin yillarda IT sohasiga kirib kelgan va ko‘p dasturchilarni, shu operatsion tizim bilan pul topishga undagan “yashil o‘zga sayyoralik”dir. Bu dastur juda ko‘p smartfonlarni boshqaruvchi operatsion tizim hisoblanadi. Mobil operatsion tizimlar (windows mobile, symbian) orasida eng mashhurrog‘i va keng qo‘llaniladigani ham shu tizimdir.
Keling, shu operatsion tizimga oid qiziqarli faktlar bilan tanishib chiqamiz:
1. 2008-yilda Android operatsion tizimining kodlari ommaga taqdim etilgan va u 2.1 GB hajmni egallagan.
2. Dastlab Android operatsion tizimi Android Inc firmasi tomonidan yaratilgan. Bu firma AQSh’ning Kaliforniya shtatida joylashgan bo‘lib, 2003-yilda Andy Rubin, Chris White, Nick Sears va Rich Miner tomonidan tashkil etilgan. Android Inc firmasi o‘z ish faoliyati davomida 2 ta “Obnavleniya”– 1.0 Astro va 1.1 Bender (mashhur robotlar nomi) chiqarishga muyassar bo‘ladi.
3. 2005-yil, Google kompaniyasi Android Inc firmasini 130 mln. dollarga sotib oladi va o‘zi bu operatsion tizimni chiqarishni davom ettiradi.
4. Bu mobil operatsion tizimi, Linux operatsion tizimi yadrosida yaratilgan bo‘lib, bu tizim uchun ataylab Droid shrift o‘ylab topilgan.
5. 2007-yil 5-noyabrda, Androidni ommaga tanishtirish marosimi bo‘lib o‘tgan, lekin dastlabki Android 1.0 versiyasi 2008-yil 23-sentyabrda foydalanuvchilarga taqdim etilgan.
6. Dastlabki Android operatsion tizimida ishlagan smartfon nomi HTC T-Mobile G1(HTC Dream)’dir.
7. Sizga ma’lumki, ishlab chiqilgan barcha yangi dasturlar himoyasi, xakerlar tomonidan kim tez buzishga o‘yinida qurbonlik vazifasini o‘taydi. Android ham bu o‘yindan chetda qolmadi. Bu tizimni buzish uchun 1 oydan kamroq vaqt talab etildi. Bu buzg‘unchi inson ismi Justin Case bo‘lib, u bitta patch orqali operatsion tizimdagi barcha dasturlarni tekin (free) ishlatishga muyassar bo‘ldi
8. Statistika ma’lumotlariga qaraganda, har 2 ta smartfondan biri Android operatsion tizimida ishlar ekan.
Manba: dasturlash_coding